Жүктеме модульдері (Load Banks) дегеніміз не?
Жүктеме модульдері (Load banks) — электр жүктемесін қалыптастыратын, кейін сыртқы электр энергиясы көздеріне қосылатын құрылғылар. Жүктеме модульдері, әдетте, стандартты 19 дюймдік серверлік корпустарға орнатуға арналған сервер форм-факторында жасалады және айнымалы ток жүйелерін, үздіксіз қоректендіру көздерін, дизель-генератор қондырғылары мен аккумулятор батареяларын сынау үшін пайдаланылады. Олар аса маңызды электрмен жабдықтау және салқындату жүйелерін пайдалануға енгізудің, сондай-ақ олардың жұмысын тексеруді растаудың ең тиімді тәсілі болып саналады.
ДӨО құрылысы аяқталғаннан кейін объектінің электрмен жабдықтаудың барлық аса маңызды жүйелерін сынау алаңды пайдалануға енгізудің маңызды кезеңі болып қала береді. Бұл процесс жобаны пайдалануға енгізу және профилактикалық қызмет көрсету кестесінде маңызды рөл атқарады.
Дәстүрлі түрде сынақ рәсімдерін жүргізу үшін қарапайым жылу зеңбіректері пайдаланылады. Алайда оларды қолданудың тиімділігі әлдеқайда төмен, өйткені мұндай құрылғыларда қуатты динамикалық түрде арттыру функциясы жоқ, сондай-ақ жылу зеңбіректері болашақта орнатылатын серверлер қалыптастыратын ауа ағындарын қайталай алмайды.
Жаңа меншік иелері меншік құқығына кіріспес бұрын немесе жаңа жалға алушылар көшіп кірмес бұрын, барлық құрылыстар мұқият тексерілуі тиіс. Бұл тексерулер ғимараттың барлық жүйелерінің (өртке қарсы, күзет, экологиялық және ІТ жүйелері) жұмыс істеп тұрғанын әрі талап етілетін техникалық сипаттамаларға сәйкес келетінін қамтамасыз етеді.
Жүктеме модульдерін пайдаланудың мақсаттары мен мерзімділігі.
Жүктеме модульдерін ДӨО-ны пайдалануға енгізу кезінде бір рет қана емес, басқа жағдайларда да пайдалануға болады. Сынақтарды тұрақты уақыт аралықтарында жүргізу арқылы жабдықтың істен шығуына байланысты жоспардан тыс тоқтап қалу тәуекелін барынша азайтасыз. Жабдықты максималды жүктемеге қойғанда, ақаулардың кең ауқымын анықтауға болады.
Дұрыс жобаламауға, қате құрастыруға, ақаулы немесе зақымдалған жабдыққа байланысты проблемалар іске қосу-жөндеу жұмыстары немесе техникалық қызмет көрсету сынақтары кезінде анықталуы мүмкін. Толық жүктемемен сынақ жүргізілгенге дейін өзекті проблемалар байқалмай қалуы ықтимал.
Жүктеме модульдері тағы қандай жағдайларда тұрақты түрде пайдаланылады? Мысалы, жабдықты жөндеуден кейін сынау үшін. Жөнделген жабдықты (электр генераторларын немесе салқындату жүйелерін) пайдалануға қайта қоспас бұрын, жөндеу жұмыстарының тиісті түрде аяқталғанына көз жеткізу үшін жабдыққа шекті жүктеме түсірген жөн.
Халықаралық рәсімдерге қойылатын талаптар
Мысалы, тәуелсіз кешенді жүйелік сынақтар (IST). Сондай-ақ жүктеме модульдері жалпыға бірдей қабылданған процестің бес кезеңінің үшеуінде аса маңызды жүйелерді тексеру үшін пайдаланылады Commissioning.
Деректерді өңдеу орталығының инженерлік инфрақұрылымын пайдалануға енгізу машиналар залы ең жоғары жылулық, электрлік және экологиялық жүктемелер жағдайында жұмыс істеп тұрған кезде жүргізілуі тиіс. Бұл жағдайда ДӨО-ны сынау төрт негізгі кезеңге бөлінеді:
Объектідегі сынақтық тексерулер;
Ақпараттық-коммуникациялық жүйелерді (ИКЖ) пайдалануға енгізу;
Ақауларға төзімділік деңгейін сертификаттау (бұл туралы толығырақ Uptime Institute сипаттамасы бөлімінде);
Тапсырыс берушінің қабылдау сынақтары.
Осы төрт кезеңнің әрқайсысының сәтті аяқталуы ДӨО-ның одан әрі жұмысын айқындайды.
Uptime Institute талаптары.
Объектіні сертификаттық сынау — Uptime Institute жүргізетін тәуелсіз қызмет. Оның нәтижесінде бүкіл сала мойындаған және деректер орталығының рейтинг санатын айқындайтын сертификат беріледі. Тексеру барысында инженерлік инфрақұрылымның кез келген компонентіне техникалық қызмет көрсету жұмыстары жүргізілген кезде де объектінің ІТ-жүктемені еш тоқтатпай, толық жұмыс істей алатыны дәлелденеді (ақауларға төзімділіктің TIER III деңгейі — Concurrently maintenable). Сертификаттау үшін машиналар залын жүктеме модульдері — сервер жүктемесінің симуляторлары арқылы жобалық қуаттың ең жоғары деңгейіне дейін толық жүктеу қажет.
Сынақтарды жүргізу бойынша бірнеше кеңес:
Сынақ кестесіне қарай тестілеу процесі үш аптаға дейін созылуы мүмкін. Тестілеуге жеткілікті бюджет қарастырылғанына көз жеткізіңіз;
Жүктеме модульдерінің жұмыс ауқымдары мен орналасуы температуралар диапазонына сәйкес келуі тиіс. Сынақ параметрлерінің дұрыстығын қамтамасыз ету және салқындату жабдығының тиімді жұмыс істеуі үшін беру және қайтару температураларының диапазонын кемінде ∆T 15° деңгейінде жаңғырту қажет;
Үздік тәжірибе: сынақтарды әртүрлі жүктемелер кезінде жүргізу. Сынақ шектері — 25%, 50%, 75% және 100% жүктеме. Осы мақсаттар үшін жүктеме өскен сайын арттыруға болатын динамикалық жүктемесі бар жүктеме модульдерін пайдалану көзделуі қажет;
Алғашқы бірнеше сынақтың ұзақтығы кемінде 24 немесе 48 сағат болуы тиіс. Бұл салқындату немесе кепілдендірілген электрмен жабдықтау жүйелерінің тәуліктің әр уақытындағы жұмыс сценарийлерін анықтауға мүмкіндік береді. Мысалы, салқындату жүйесінің түнгі жұмысы күндізгі жұмысынан өзгеше болуы мүмкін. Осы мақсаттар үшін ішкі қыздыру элементтерінің қызып кету қаупін болдырмайтын, тек сапалы жүктеме модульдерін пайдалану қажет.