Деректерді өңдеу орталықтарының ақауларға төзімділігін бағалаумен айналысатын Uptime Institute ұйымы банктер мен басқа да қаржы ұйымдары үшін ДӨО жұмысының тоқтап қалу тәуекелін одан әрі барынша азайтуға арналған жаңа құралын ұсынды.
Өнім SCIRA-FSI (Standardized, Comprehensive Infrastructure Risk Assessment for Financial Sector Institutions / Қаржы секторы ұйымдары үшін инфрақұрылымдық тәуекелдерді стандартталған кешенді бағалау) деп аталды
SCIRA-FSI қаржы секторының мәселелерін шешуге арналған
Құрал ДӨО инфрақұрылымының жұмысындағы ақаулар тәуекелдерін анықтап, барынша азайтуға, сондай-ақ аса маңызды ІТ-жабдықтың жұмысындағы іркілістердің салдарын жеңілдетуге бағытталған. SCIRA-FSI жүйесін қаржы ұйымдары өздерінің ДӨО-ларының, сондай-ақ сыртқы деректер орталықтары мен бұлтты есептеулерді орындау платформаларының сенімділігін барынша арттыру үшін пайдалана алады.
Қаржы секторы ұйымдары (ҚСҰ) орналастырған соңғы кездері орын алған елеулі іркілістер мен барған сайын күрделене түскен гибридті ІТ-архитектураларға жауап ретінде қадағалау органдары неғұрлым проактивті әрі тиімді тәуекелдерді басқару әдістерін ынталандыру мақсатында операциялық тұрақтылыққа қойылатын нормативтік талаптарды енгізуде.
Қаржы секторы ұйымдары қауымдастығындағы нормативтік талаптардың күшеюін және анағұрлым күрделі гибридті ІТ-инфрақұрылымдардың енгізілуін ескере отырып, Uptime Institute қаржы ұйымдарына өздеріне тиесілі деректерді өңдеу орталықтарындағы немесе бұлтты деректер орталықтарындағы аса маңызды инфрақұрылымының операциялық тұрақтылығын бағалауға көмектесу үшін SCIRA-FSI бағалауын ұсынды. Uptime Institute бағдарлама әзірлеу жөніндегі серіктестерді қалыптастыру және қаржы секторына іркілістердің салдарын тиімдірек бағалап, азайтуға көмектесетін стандартталған тәсіл әзірлеу үшін бүкіл әлемнен жиырмадан астам жетекші қаржы ұйымын біріктірді.
SCIRA-FSI жиырмадан астам деректерді өңдеу орталығын және қаржы секторының жалпыға бірдей қабылданған стандарттарын UI талдауына негізделген. Олардың қатарында бағдарлама әзірлеу жөніндегі серіктестер ұсынған ішкі бағалау хаттамалары, сондай-ақ сегіз мыңнан астам ақаулардың түпкі себептері туралы деректер нүктесі бар UI Abnormal Incident Report дерекқорынан жинақталған FSI инфрақұрылымының жалпы тәуекелдері қамтылған.
SCIRA-FSI бағалауының компоненттері
SCIRA-FSI ДӨО-ның базалық физикалық инфрақұрылымын, оның ішінде басқару мен операциялық бақылауды, сондай-ақ бизнес-қызметтерді тұтас деңгейде әзірлеу, пайдалану және қадағалауды зерттейді. Бұл физикалық және операциялық іркілістер тәуекелдерін барынша азайтуға әрі жұмсартуға мүмкіндік береді.
Алаң сипаттамалары
ДӨО орналасқан жерге байланысты тәуекелдер;
Құрылыс жоспарының сипаттамалары;
Құрылыс конструкцияларының сипаттамалары.
Топология және инфрақұрылым
Инженерлік инфрақұрылымның жай-күйі;
Электрмен жабдықтау жүйелері;
Ауаны салқындату жүйелері;
Қосымша жүйелер;
Қауіпсіздік жүйелері;
Телекоммуникациялық жүйелер.
Алаңның жұмысын басқару
Кадрлар және ұйымдық құрылым;
Адам ресурстарын оқыту және дамыту;
Оқыту жүйесі мен бағдарламасын басқару;
Денсаулық сақтау және қауіпсіздік.
Қадағалау функциялары
Нормативтік талаптарды сақтау;
Нормалар мен ережелерді сақтау;
Стандарттар және сертификаттау;
Тұрақты даму (Sustainability);
Энергия тиімділігі.
Бағалау процесіне шолу
Әрбір объектіге барған кезде Uptime Insitute консультанттары қызмет саласының әрбір элементін зерделеу және объектінің орнықтылығына ықтимал тәуекелдің жоқ екенін, бар болғанымен жұмсартылғанын не бар әрі жойылмайтынын анықтау үшін SCIRA-FSI бағалау хаттамасын пайдаланады. Тәуекелдің ықпалы тәуекел ауқымы мен сәтсіздіктің салдарының ауырлығына қарай қарастырылады және бағаланады.
Бағалау аяқталғаннан кейін клиенттер ағымдағы физикалық және операциялық тәуекелдер туралы егжей-тегжейлі есепті, осы тәуекелдерді жою жөніндегі нақты ұсынымдар жиынтығын, сондай-ақ бағалау нәтижелері бойынша тәуекелдер мен ұсынымдарға қысқаша шолуды алады.
Мұндай тәсіл қаржы ұйымдарына істен шығу салдарынан болатын оқиғалардың алдын алуға бағытталған проактивті іс-қимылдарына көмектесіп қана қоймай, сондай-ақ аса маңызды бизнес-қызметтерді қолдайтын инфрақұрылымдар үшін тәуекелдерді басқаруға кешенді бағалау жүргізілгенін растауға қажетті құжаттама ретінде қызмет етеді.
Сертификаттау жүргізілетін әлемдік қаржы реттеушілерінің тізімі
Бұған дейін SCIRA-FSI бағдарламасы Uptime Institute ұйымының әлемдегі жиырмадан астам қаржы реттеушісімен жемісті ынтымақтастығының нәтижесі болғанын атап өткен едік. Өкінішке қарай, бұл тізімде Ресей немесе Қазақстан қаржы реттеушілері жоқ. Алайда бұл тізімде көптеген қазақстандық қаржы ұйымдары тәжірибесіне сүйенетін, көпшілікке белгілі реттеушілер бар. Олардың кейбірі мыналар: